Arktisâš rääđi
Arktisii rääđi lii aalmugijkoskâsâš foorum, mast savâstâlloo arktisij kuávlui aašijn já čuolmâin. Tot pyevtit tiätámuš, juáhá tiäđuid já fáálá tiettui vuáđuduvvee ravvuid.[1]
Historjá
[mute | mute käldee]Arktisâš rääđi vuáđudui ive 1996. Ton ulmen lii ovdediđ arktisij enâmij ohtsâšpargo eromâšávt pirâsaašijn.[1]
Jesâneh
[mute | mute käldee]Rääđi jeessânenâmeh láá Island, Kanada, Ovtâstum staatah, Ruoššâ, Ruotâ, Suomâ, Taažâ já Tanska.[2] Toos kuleh meid tárkkojeijeejesâneh, jieškote-uvlágáneh seervih sehe pisovâžžân jesânin kuttâ algâaalmugseervi, eereeb iärásij Sämirääđi.[3]
Čuákkimeh
[mute | mute käldee]Arktisii rääđi merideijee orgaanin lii čuákkim, mii uárnejuvvoo jyehi nube ive saavâjođetteijee-enâmist. Suomâst čuákkim uárnejui Anarist ive 2002 já Ruávinjaargâst ive 2019.[1]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Arktisâš rääđi.
Käldeeh
[mute | mute käldee]- ↑ a â b Valkeapolku, Valtteri: Arktisii rääđi uđđâ saavâjođetteijeeh tiädutteh algâaalmugij sajattuv arktisii kuávlu aašijn anarasaavis.fi. 13.5.2025. Čujottum 13.5.2025.
- ↑ Arctic States Arctic Council. Čujottum 13.5.2025. (eŋgâlâskielân)
- ↑ About the Arctic Council Arctic Council. Čujottum 13.5.2025. (eŋgâlâskielân)