Angelina Mango
| Angelina Mango | |
|---|---|
.jpg)
| |
| Persovntiäđuh | |
| Šoddâm | cuáŋuimáánu 10. peeivi 2001 |
| Šoddâmsaje | Maratea, Italia |
| Aalmugjeessânvuotâ |  Italia
|
| Musikkár | |
| Artistnommâ | Angelina Mango |
| Lávlumkielah | italiakielâ |
| Aktiivlâžžân | 2016– |
| Genreh | pop, R&B |
| Čuojânâsah | jienâ, piano |
| Skiärrufinnodâh | LaTarma Records, BMG Rights Management já Warner Music Italy |
| Peerâ | |
| Vaanhimeh | Giuseppe Mango já Laura Valente |
| Lasetiäđuh | |
| Nommâčáálus | 
|
Angelina Mango (š. cuáŋuimáánu 10. peeivi 2001 Maratea, Italia) lii italialâš lávloo. Sun šoodâi tobdosin tastmaŋa ko suu singleh Ci pensiamo domani já Che t’o dico a fa’ pajanii Italia singlelisto njunošân ive 2023. Ive 2024 Mango vuoitij ive 2024 Sanremo muusikfestivaal já te ovdâstij Italia Euroviisuh-lávlumkištoost pittáin La noia.[1]
Eellim
[mute | mute käldee]Angelina Mango šoodâi cuáŋuimáánu 10. peeivi 2001 Marateast, Italiast. Suu eeči lâi italialâš lávloo Mango (1954–2014), já suu enni lii italialâš lávloo Laura Valente.[2][3] Sust lii stuorrâviljâ Filippo (1995–). Mango rávásmij musikaallii perrust Lagonegrost. Perruu keežild sun lávluškuođij já čuojâtškuođij piano já kiitaar jo nuorrân. 5-ihásâžžân Mango puđâldškuođij tánssám já raahtij vuossâmuu pittáás Mi sono innamorata di me.
Ko Mango lâi 13-ihásâš, suu eeči jaamij.
Karrieer
[mute | mute käldee]Euroviisuh 2024
[mute | mute käldee]Mango vuoitij ive 2024 Sanremo muusikfestivaal já ovdâstij Italia ive 2024 Euroviisuh-lávlumkištoost Malmöst, Ruotâst pittáin La noia.[1][4][5] Euroviisui finalist Mango finnij 268 čyegisid já poođij čiččâdin.[6]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Angelina Mango.
Käldeeh
[mute | mute käldee]- ↑ a â Angelina Mango triumphs in Italy: 'La Noia' is the winner of 'Sanremo' 2024 EBU. 11.2.2024. Eurovision.tv. Čujottum 23.3.2025. (eŋgâlâskielân)
- ↑ “Condivido la scelta di mia figlia Angelina Mango di fermarsi. Quando tornerà a esibirsi lo deciderà lei, quando si sentirà pronta”: lo rivela Laura Valente Il Fatto Quotidiano. 12.12.2024. Vyerkkejum 12.12.2024. Čujottum 23.3.2025. (italiakielân)
- ↑ Madeddu, Paolo: Angelina Mango: «Da mio padre spero di aver preso l’ironia» Rolling Stone Italia. 13.11.2020. Vyerkkejum 13.11.2020. Čujottum 23.3.2025. (italiakielân)
- ↑ Italy: Angelina Mango wins Sanremo 2024 – Will she go to Eurovision? 11.2.2024. eurovisionworld.com. Čujottum 11.5.2024. (eŋgâlâskielân)
- ↑ Angelina Mango triumphs in Italy: 'La Noia' is the winner of 'Sanremo' 2024 EBU. 27.1.2024. eurovision.tv. Čujottum 11.5.2024. (eŋgâlâskielân)
- ↑ Dette er resultatene NRK. 12.5.2024. Čujottum 12.5.2024. (kirjetárukielân)