Alkoholism

Alkoholism lii fyysilâš já psyykkilâš puácuvuotâ, mast alkohol kevttimist lii šoddâm haldaašmettum. Jis juhhee ij paste joskâđ juhâmist, te suu alkoholism šadda viärráábin. Lii tiäđust tot, ete maht puáhtá tubdâstiđ alkoholism já maht ton vijđánem puáhtá koskâldittiđ. Kuittâg estâdmân ij lah kavnum vyehi. Kihheen ij tieđe, mondiet motomijn alkoholkevttein šadda alkoholist.

Symptoomeh

Puoh alkoholistijn iä lah siämmááh symptoomeh, muttâ stuárráámuu uásist sist láá aainâs-uv motomeh čuávuváin symptoomijn:

• Tuše alkohol iššeed leđe ruokkâdub já huolâttemeb iärásijgijn.
• Sij halijdeh távjá "vala oovtâ", veikkâ iäráseh láá jo joskâm juhâmist.
• Sij vyerdih já smiettih ain čuávuváá máhđulâšvuođâ juuhâđ já juhlođ.
• Sij juheh talle-uv ko kolgâččij leđe čiälgusin já veikkâ sij iä áigum juuhâđ.
• Sij keččâleh haldâšiđ juuhâm keppisub juhâmâšâigijn.
• Sij lopedeh leđe juvâhánnáá, čiehih juhâmâšâid, já juheh syele.
• Sij juheh ohtuu, iäge čuávuváá iiđeed mušte, maid láá ettâm já porgâm.
• Sij juheh ko lii hyenes uámitobdo tâi kohmá teikâ ko sij paleh mastnii.

Anonyymeh Alkoholisteh

Válduartikkâl: Anonyymeh Alkoholisteh

Anonyymeh Alkoholisteh lii aalmugijkoskâsâš siärvus, mon jesânij ulmen lii pissoođ juvâhánnáá já išediđ eres alkoholistijd juksâđ čiälgusvuođâ. Ton jesâneh jyehih koskânis fiäránijdis, vuoimijdis já tuáivuidis, vâi sij pyehtih čuávdiđ ohtsâš vädisvuođâidis sehe išediđ iärásijd tuoibuđ alkoholismist. Áinoo vátámâš peessâđ jesânin lii haalu joskâđ juhâmist.

Fáádást eres soojijn

• Wikimedia Commonsist láá koveh teikkâ eres tiätuvuárháh fáádást Alkoholism.