Aanaar sämikirkko

Aanaar sämikirkko
Aanaar sämikirkko kesimáánust 2003
Aanaar sämikirkko
Koordinaateh: 68°54′18.1″N, 27°1′54.1″E
Staatâ	Suomâ
Eennâmkodde	Lappi
Kieldâ	Aanaar
Kirkkokodde	Suomâ evaŋgellâš-luterilâš kirkko
Pispekodde	Oulu pispekodde
Ruávástkodde	Laapi ruávástkodde
Servikodde	Aanaar servikodde
Huksejum	1951
Vihkum kiävtun	kesimáánu 24. peivi 1952
Vuávájeijee(h)	Inkeri Visanti, Antero Pernaja
Materiaal	muorâ
Čokkámsajeh	250
Äigi	UTC+2

Aanaar sämikirkko lii evaŋgellâš-luterilâš kirkko Aanaar markkânist.

Aanaar vuosmuuh kirhoh ráhtojii Piälppáájáávrán. Ko eenâb já eenâb ulmuuh asâiduvvii markkânân, te tohon rahtui kirkko, mii valdui anon ive 1895 já mii tuššâdui pommitmist tälvisuáđi ääigi kuovâmáánu 4. peeivi 1940. Suáđi maŋa meridui, et Aanaar markkânân ráhtoo uđđâ kirkko, mon várás poođij ruttâ Luterilij kirhoi maailmrääđi peht Amerik luterilii kirhoost. Kirho vuosmuid sárgusijd raahtij Inkeri Visanti já lopâlijd Antero Pernaja. Kiällutornâ, mon lii vuávám Laura Järvi-Larkas jo ive 1960, rahtui eskin kirho vuáđutivvoom ohtâvuođâst 1982.

Uáinus luptâstuvâst.

Kirho viihkâi anon jonsahpeeivi ive 1952 Oulu pispekode pispe Väinö Malmivaara. Vihkâmseremonian servii Luterilij kirhoi maailmlito ovdâsteijee já Amerik luterilij kirhoi ovdâsteijee. Vihkâm ohtâvuođâst tollui meiddei Aanaar servikode 300 ive juhle. Kirkko lii vuáđutivvum kuohtii, 1982 já 2011. Maajeeb tivvoom maŋa kirho sivnedij kiävtun Oulu pispekode pispe Samuel Salmi. Säämi aalmugpeeivi kuovâmáánu 6. peeivi 2017 pispemessust kiävtun váldojii uđđâ miäđuštemruossâ já kinttâleh.

Kirho álttártaavlu, mon nommâ lii Kristus itteem vandârdeijee sämiperrui, lii máálám 1937 professor Väinö Saikko. Tavlu káijojui kirhoost, ko tot lâi tuššâm pommittem tiet, já pieijui uđđâ kiirkon.