Šuoŋâsuonjâreh (laavlâkirje)
Šuoŋâsuonjâreh (nuorttâlâškielân Suõmmšuõn, orjâlâškielân Šuokŋasuotnjarat, suomâkielân Sävelsäteet) lii ive 2026 almostum sämikielâlâš laavlâkirje, mii šoodâi siämmáánommâsâš proojeekt puátusin oovtâst siämmáánommâsâš skiäruin.[1] Laavlâkirjeest láá skiäru puoh 30 pitá nuotah sehe pitái várás rahtum toimâm- já sierâdemravvuuh.[1] Kirjeest láá meid oovtkiärdániih ravvuuh toos, moh pitáh láá tuše sämmilijd já moh puohháid. Juurdâ ravvui tyehin lii lamaš movtijdittiđ ulmuid máttááttâllâđ sämikielâ, mutâ siämmást suojâliđ muusikäärbi kulttuurlâš ávhástâlmist.[2] Pittáid láá ráhtám Essi Morottaja, Anna Lumikivi-Lemmetty já Ulpu Mattus-Kumpunen, já muusikarâšoddâdem äššitobden lii lamaš Jessika Lampi. Kirje kovetaiđuu lii ráhtám Eveliina Kytömaa.[3]
Motomeh pitáh láá jo Šuoŋâpiäjust uáppáseh, mutâ mieldi láá meid maaŋgah uđđâ pitáh já kukkâseh.[4] Uđđâ vookaalärbipitáh še láá mieldi, ko juávkku raahtij liivđijd, leuʹddijd já juoigâid.[2]
Skiäru já kirje almostittemkonserteh lijjii Anarist 7.2.2026 já Ruávinjaargâst 8.2.2026.[5]
Käldeeh
[mute | mute käldee]- 1 2 Seipiharju, Sáárá: Uđđâ šuoŋah čuojâškyetih kuulmâ sämikielân puáttee ive, ko párnái muusikalbum já nuottâkirje almostuveh Yle Säämi. 29.8.2025. Čujottum 30.5.2026.
- 1 2 Peltomaa, Jaakko: Uutta lastenmusiikkia kolmella saamen kielellä – Saamelaisten kansallispäivän juhlinta huipentuu julkaisukonsertteihin Inarilainen. 20.1.2026. Čujottum 30.5.2026. (suomâkielân)
- ↑ Suõmmšuõn Šuoŋasuonjâreh Šuokŋasuotnjarat - Duodji Shop duodjishop.fi. Čujottum 2.6.2026. (suomâkielân)
- ↑ Kaarret, Anja & Torikka, Xia: Suomâ kulttuurruttârááju tuárju sämiprojektijd: Essi Morottaja pargojuávhuinis rähtiškuát párnáimuusik 90 000 euro išeruuđáin Yle Säämi. 15.2.2024. Čujottum 30.5.2026.
- ↑ Uđđâ párnáimuusik kuulmâ sämikielân | Anarâš aavis anarasaavis.fi. 21.1.2026. Čujottum 30.5.2026.