Šuoŋâsuonjâreh
Šuoŋâsuonjâreh (nuorttâlâškielân Suõmmšuõn, orjâlâškielân Šuokŋasuotnjarat, suomâkielân Sävelsäteet) lâi sämikielâlâš párnáimuusikproojeekt, mon puátusin šoodâi siämmáánommâsâš párnáimuusikalbum já -kirje puoh kuulmâ Suomâst sarnum sämikielân. Proojeekt kessijn Essi Morottaja já Jessika Lampi, já tot lâi jotkâ palhâšum Šuoŋâpiäju-ohjelmân.[1] Čuovvâd-pargojuávhu (Essi Morottaja, Jessika Lampi, Heli Huovinen, Anna Lumikivi-Lemmetty já Ulpu Mattus-Kumpunen[2]) lasseen mieldi láá lamaš meid Loiskis já Laapi káámmárorkester, sehe kyessiartisteh. Motomeh pitáh láá jo Šuoŋâpiäjust uáppáseh, mutâ proojeekt ääigi šoddii maaŋgah uđđâ-uv pitáh já kukkâseh, nuuvtko meid vookaalärbipitáh.[3][2]
Skiäru já kirje almostittemkonserteh lijjii Anarist 7.2.2026 já Ruávinjaargâst 8.2.2026.[4] Čuovvâd-pargojuávhust láá lamaš meid eres konserteh[5] já sij láá jottáám pirrâ Suomâ tolâmin pargopaajijd párnáid.
Kirje
[mute | mute käldee]- Válduartikkâl: Šuoŋâsuonjâreh (laavlâkirje)
Šuoŋâsuonjâreh-kirje siskeeld toimâmideaid pitái várás.[1] Kirjeest láá meid oovtkiärdániih ravvuuh toos, moh pitáh láá tuše sämmilijd já moh puohháid.[2] Kovetaiđuu kiirján lii ráhtám Eveliina Kytömaa.[6]
Skiärru
[mute | mute käldee]- Válduartikkâl: Šuoŋâsuonjâreh (album)
Šuoŋâsuonjâreh-skiärru siskeeld ohtsis 30 pittád, moh láá ain oovtâ tâi puoh kuulmâ sämikielân. Pittáid láá ráhtám Essi Morottaja, Anna Lumikivi-Lemmetty já Ulpu Mattus-Kumpunen, já taid láá čuojâlditmin Loiskis já Laapi káámmárorkester.[7]
Fáádást eres soojijn
[mute | mute käldee]- Muusikvideo pitán Šuoŋâsuonjâreh ~ Šuokŋasuotnjarat ~ Suõmmšuõn, mon SMK medialinjá lii ráhtám
Käldeeh
[mute | mute käldee]- 1 2 Seipiharju, Sáárá: Uđđâ šuoŋah čuojâškyetih kuulmâ sämikielân puáttee ive, ko párnái muusikalbum já nuottâkirje almostuveh Yle Säämi. 29.8.2025. Čujottum 30.5.2026.
- 1 2 3 Peltomaa, Jaakko: Uutta lastenmusiikkia kolmella saamen kielellä – Saamelaisten kansallispäivän juhlinta huipentuu julkaisukonsertteihin Inarilainen. 20.1.2026. Čujottum 30.5.2026. (suomâkielân)
- ↑ Kaarret, Anja & Torikka, Xia: Suomâ kulttuurruttârááju tuárju sämiprojektijd: Essi Morottaja pargojuávhuinis rähtiškuát párnáimuusik 90 000 euro išeruuđáin Yle Säämi. 15.2.2024. Čujottum 30.5.2026.
- ↑ Uđđâ párnáimuusik kuulmâ sämikielân | Anarâš aavis anarasaavis.fi. 21.1.2026. Čujottum 30.5.2026.
- ↑ Vaarala, Ville: Lastenkonsertti tuo saamenkieliset laulut juhlatunnelmaan Inarilainen. 9.5.2026. Čujottum 30.5.2026. (suomâkielân)
- ↑ Essi Morottaja: Suõmmšuõn = Šuoŋâsuonjâreh = Šuokŋasuotnjarat. [S.l.] :: Čuovvâd-tuâjj-joukk, 2026. ISBN 978-952-88-0960-9 Tyeje nettiversio Čujottum 31.5.2026.
- ↑ Suõmmšuõn Šuoŋasuonjâreh Šuokŋasuotnjarat - Duodji Shop duodjishop.fi. Čujottum 30.5.2026. (suomâkielân)